به‌شداری ئه‌ندامانی کومیته‌ی سویس له‌ گردبونه‌وه‌ی جه‌ماوه‌ری له‌ شاری بێرن

ڕۆژی شه‌‌‌ممه‌‌‌ ١٥ی ئوکتوبری ٢٠ ٢٢ی زاینی گردبونه‌‌‌وه‌‌‌یه‌‌‌کی جه‌‌‌ماوه‌‌‌ری به‌‌‌ به‌‌‌شداری به‌‌‌رچاوی ئه‌‌‌ندامانی کومیته‌‌‌ی سویسی سازمانی خه‌‌‌بات و کوردی هه‌‌‌ر چوار به‌‌‌شی کوردستان و ئێرانیانی دانیشتووی ووڵاتی سویس، بۆ پشتیوانی له‌‌‌ ڕاپه‌‌‌ڕین و ناڕه‌‌‌زایه‌‌‌تیه‌‌‌ به‌‌‌رده‌‌‌وامیه‌‌‌کانی خه‌‌‌ڵکی کوردستان و گه‌‌‌لانی ئێران له‌‌‌به‌‌‌رده‌‌‌م په‌‌‌رله‌‌‌مانی ئه‌‌‌م ووڵاته‌‌‌ له‌‌‌ شاری بێرن ڕێکخرا.  

له‌‌‌م ناڕه‌‌‌زایه‌‌‌تی و گردبوونه‌‌‌وه‌‌‌دا، به‌‌‌شداران به‌‌‌ ووتنه‌‌‌وه‌‌‌ی دروشمی جیاواز پشتیوانیان له‌‌‌ ڕاپه‌‌‌ڕین و ناڕه‌‌‌زایه‌‌‌تیه‌‌‌کان له‌‌‌ ناوخۆی ئێران و کوردستان کرد و  داخوازیان له‌‌‌ په‌‌‌رله‌‌‌مانی ئه‌‌‌و ووڵاته‌‌‌ کرد که‌‌‌ له‌‌‌ به‌‌‌رامبه‌‌‌ر زوڵم و  به‌‌‌ جنایه‌‌‌ته‌‌‌کانی ڕژیمی ئاخوندی  و پێشێلکردنی  به‌‌‌رده‌‌‌وامی مافه‌‌‌کانی مرۆڤ و  ته‌‌‌قه‌‌‌ی ڕاسته‌‌‌وخۆی هێزه  ئه‌‌‌منیه‌‌‌ سه‌‌‌رکوتکه‌‌‌ره‌‌‌کانیان له‌‌‌ ڕاپه‌‌‌ریوانی گه‌‌‌لانی ئێران بێده‌‌‌نگ نه‌‌‌بن و ناڕه‌‌‌زایه‌‌‌تی ده‌‌‌ربڕن و پشتیوانی له‌‌‌ داوا و خواسته‌‌‌کانی گه‌‌‌لانی ئێران بکه‌‌‌ن.

له‌‌‌ به‌‌‌شێکی تری ئه‌‌‌م گردبونه‌‌‌وه‌‌‌دا په‌‌‌یامی کومیته‌‌‌ی سویسی سازمانی خه‌‌‌بات له‌‌‌لایه‌‌‌ن به‌‌‌ڕێز کاک محمد ڕه‌‌‌حمانی ئه‌‌‌ندامی ئه‌‌‌م کومیته‌‌‌ پیشکه‌‌‌ش به‌‌‌ به‌‌‌شداران کرا.