سازمانی خه‌باتی کوردستانی ئێران
خەباتمیدیا: گروپی هەککه‌‌‌ری بلەک ڕیوارد لە توییتەری خۆی دا ڕایگەیاند کە سیستەمی ناوخۆیی ئیمەیلەکانی شەریکەی بەرهەم هێنان و پانتایی وزەی ناوکەیی ئێرانی هەک کردووە.
ئەم گروپە بە بڵاو کردنه‌‌‌وه‌‌‌ی وێنه‌‌‌یه‌‌‌ک له به‌‌‌ڵگه‌‌‌کان ماوه‌‌‌ی ٢٤ سه‌‌‌عات ده‌‌‌رفه‌‌‌رتیان به کاربه‌‌‌ده‌‌‌ستانی ڕژیم دا تا هه‌‌‌موو به‌‌‌ندکراوانی سیاسی و ئاینی که له ڕاپه‌‌‌ڕینه‌‌‌کاندا ده‌‌‌سگیرکراون ئازاد بکات، به پێچه‌‌‌وانه‌‌‌وه ئه‌‌‌گه‌‌‌ر ملکه‌‌‌چی داواکه‌‌‌یان نه‌‌‌بن، کۆمەڵێک بەڵگە بەڵاو دەکاتەوه کە لەسەر پرۆژەی ئەتۆمی رژیم کاریگەر دەبێ. بلەک ڕیوارد پێشتریش ئیمەیلی بەڕێوەبەران و فەرما‌نبەرانی پرێس تی ڤی هەک کردبوو وه ناوەڕۆکەکەی بەڵاو کردبۆوه.
لە یەک مانگی ڕابردوو و پاش دەستپێکی ناڕەزایی و ڕاپەڕینە سەرانسەرییەکانی دژ بە شەهید کرانی ژینا ئەمینی بە دەستی پولیسی ڕەوشت, گروپی هەککه‌‌‌ری ئانونیمۆس کە یەکێک لە بەناوبانگترین گروپەکانی جیهانه, زۆرێک له ناوه‌‌‌ند و سایته‌‌‌کانی سه‌‌‌ر به‌‌‌ڕژیمی ئێرانیان، له‌‌‌وانه‌‌‌ش ماڵپهڕی خامنه‌‌‌ی و په‌‌‌رله‌‌‌مانی ڕژیم و هه‌‌‌روه‌‌‌ها بانکی ناوه‌‌‌ندیان هه‌‌‌ک کرد
