سازمانی خه‌باتی کوردستانی ئێران
شەوی یەکشەممە لەسەر دووشەممە ١و ٢ی خەزەڵوەر، لە درێژەی مانگرتن و ڕاپەڕینەکان لە شارەکانی تاران, قەزوین, بەندەرعەبباس, وەرامین, مەشهەد و کرماشان, مەریوان, دیواندەرە, سەقز, مەهاباد, بۆکان و لە سنە لە ناوچەکانی ۲µ, وەکیل, نەبوەت و چەندین شار و ناوچە دیکەی کوردستان و ئێران, شەقام و کۆڵانەکان بوو بە گۆڕەپانی خەبات و ڕاپەڕین دژ بە داگیرکەر و ئاگربەردانە بنکەکانی بەسیج و دروشم نوسین درێژەیان بە ڕاپەڕینەکان دا.هەروەها ئەمڕۆ دووشەممە ۲ی خەزڵوەری ۱۴۰۱ی هەتاوی لەسەر داوای ئەنجومەنی مامۆستایان, مامۆستایانی دەروەست درێژەیان بە مانگرتنەکان دژ بە سەرکوت و دەسبەسەر کردن و کوشتنی بێ بەزەییانەی خوێندکارانی ڕاپەڕیو دا. مامۆستایان لە شارەکانی دیواندەرە, سنە، مەریوان, سەقز و بانە لە دووهەمین رۆژی مانگرتندان.
هەروەها خوێندکاران لە زانستگاکانی تاران وەک ئازادی ئەمیر کەبیر, تاران, شەریف, ئەدەبیات و زمانە بەیانییەکان, زانست و پیشەسازی و هەروەها بوعەلی و ئازادی و سەنعەتی هەمدان, ئەدەبیاتی ورمێ, مازەندەران, زانستە وەرزشیەکانی مەشهەد و زانستی پزشکی زاهیدان و چەندین زانستگای دیکه لە شار و ناوچەکانی کوردستان و ئێران بەڕێوە چوو.
شایانی باسە لە زانستگاکانی تاران و ئازادی شاری تاران وێڕای رێگری کردنی بەرپرسەکان بۆ تیکەڵ نەبوونی کچان و کوڕانی خوێندکار, بەڵام خوێندکاران پێکەوە خواردنیان لە حەوشە خوارد, هەروەها خوێندکارانی زانکۆەکانی مەشهەد, ئیسفهان و ئەمیرکەبیر و شەرف و تاران درگای ژووری نان خواردنەکانیان شکاند و بە تێکەڵی ڕۆیشتنە ژوورەوە. شایانی باسە ئەمڕۆ کچێکی خوێندکاری خەڵکی قوروە بە ناوی نگین عەبدولمالکی کە خوێندکاری زانکۆی بوعەلی بە هۆی کێشانی باتووم بە سەریدا شەهید بوو وە چووە ریزی شەهیدانی ڕێگای ئازادی و زانکۆی بوعەلی هەمەدان کادانەوەیان نیشاندا ئەو کردەوە جینایەتکارانەیان مەحکوم کرد.
