سازمانی خه‌باتی کوردستانی ئێران
ئەمڕۆ پێنج شەممە ڕێکەوتی ۱۲ی خەزەڵوەری ۱۴۰۱ی هەتاوی, چلەمین ڕۆژی شەهید بوونی شەش لاوی شاهابادە کە لە کاتی ڕاپەڕینە سەرانسەرییەکانی دژ بە حکومەتی ئاخوندی لە ڕۆژی چوارشەممە ۳۰ی خەرمانان لە بەرانبەر ئیدارەی ماڵیات و ئیدارەی پۆستی ئەو شارە بە تەقەی ڕاستەوخۆی هێزە تیرۆریست و بەکرێگیراوەکانی حکومەتی ئاخوندی شەهید کران.
ئەم شەش کەسە کە ناوەکانیان بریتین لە
سەعید محەممەدی, میلاد قەنبەری, ئەنوشیرەوان فولادی, یاسر جەعفەری, ئیمان محەممەدی و ئەمیر حوسێن بەساتی لە ڕێگای خەبات دژ بە دیکتاتۆر شەهید کراون و ئەمڕۆ چلەی ماتەمین یان بەڕیوە دەچێ و وەک نەریتێک کە لە حەوتوەکانی ڕابردووش پەیڕەو کراوە دەبێتە مەکۆی دروشم دان و ڕاپەڕین بۆ درێژەدانی ڕێگاکەیان. شایانی باسە وێنەی ئەم شەهیدانە جگە لە ئێران لە وڵاتەکانی ئۆروپایی و ئامریکا و کەنادا و ئۆسترالیا لە لایەن خەڵکی ئازادیخوازەو هەڵواسیاوە.
