سازمانی خه‌باتی کوردستانی ئێران
خەباتمێدیا: تەلەفزیۆنی ئێران ئینترنشناڵ ڕایگەیاند کە دوو کەس لە هەواڵنێرەکانی و بنەماڵەکانیان لە ڕێگای ناوەندەکانی هەواڵگری بریتانیاوە ئاگادار کراونەتەوە کە "هەڕەشەی جیددیان" لەسەرە.
دووشەممە شەو ۳۰ی خەزەڵوەری ۱۴۰۱ی هەتاوی تلەفزیونی "کان"ی ئیسراییلی ڕایگەیاند رێکخراوی هەواڵگری و سیخوڕی دەرەوە "موساد" پیلانی رژیمی ئێران بۆ بە ئامانج کردنی هەواڵنێرانی بەریتانیا، ئاشکرا کردوە.
گیلی کوهێن, ڕاپۆتدەری کار و باری سیاسی کاناڵی "کان" وادیارە زانیاریەکانی لە بەرپرسانی ناوەندە هەواڵگریەکانی ئیسراییل وەرگرتووە. لە درێژەدا ئەو تەلەفزیۆنە وتی: موساد ئاگاداری هەواڵەکانی رژیم بۆ زیان گەیاندن بە هەواڵنێرانی تەلەفزیۆنی ئێران ئینتەرناشناڵ بووە و زانیاریەکانی خۆی داوە بە بەرپرسانی بریتانیایی.
بەرپرسانی سیاسی بریتانیا و ئەمریکا هەر جۆرە هەڕەشەیەک دژ بە هەواڵنێرانی ئەم کاناڵە فارسیەی لە لەندەن جێگیرە، مەحکووم کرد.
