سازمانی خه‌باتی کوردستانی ئێران
خەباتمیدیا: جاستینا ئاردرن, سەرۆک وەزیری نیوزیلەند لە پەیوەندی بەم گەمارۆیانەوە وێڕای مەحکووم کردنی کردەوەکانی برپرسانی ڕژیمی ئاخوندی وتی: وڵاتەکەی پشتگیری لە ئازادی زۆرتری فەردی و سیاسی خەڵک لە ئێران دەکات.
ناوبراو لە درێژەدا وتی: ئەو ڕووداوە کە بۆ ژینا ئەمینی پێش هات هیچ پاساوێک هەڵ ناگرێت و وڵاتەکەی وەک هەمیشە لەگەڵ خەڵکانی ئێران و بەتایبەت ژنان و کچانی ئەو وڵاتەن. ئاردرن وتی کە حکومەتەکەیان درێژە بە مەحکوم کردنی سەرکوت و دڕندەیی لە ئێران ئەدات و پشتگیری لە لێکۆڵینەوە لەسەر ڕووداوەکانی ئەم ماوەیە لەلایەن دامەزراوەیەکی سەربەخۆی دەرەکی دەکات.
ننایا ماهوتا, وەزیری کاروباری دەرەوەی نیوزیلەند ڕایگەیاند کە سزای گەماروی نوییان خستوتە سەر ٢٢ بەرپس و پلە داری باڵای ڕژیم ولەسەرەوەی ئەو کەسانەی حوسەین سەلامی فەرماندەی گشتی سپای ترۆریستی پاسداران، غوڵامڕەزا سلێمانی فەرماندەی بەسیج، حوسەین ئەشتەری فەرماندەی هێزە ئینتزامییەکان و محەممەد ڕۆستەمی سەرۆکی پۆلیسی ڕەوشت ناویان هاتووە.
ناوبراو وتی: ئێمە درێژە بە تاوتوێ و هەوڵاکانی دیکەمان ئەدەین, ئەمە کۆتایی گەماروەکان نییەو کەسانی زۆرتر و هەوڵی زۆرتر لەڕێگەدایە.
ئەمە لەکاتێکدایە کە ئێرانیەکانی وڵاتی نیوزیلەند داواکاری وڵامدەر بوونی بەرپرسانی ئیران و فەرماندە سەرکوتکەرەکان بەبۆنەی بەشداری لە جنایەتە دژە مرۆڤییەکانی ناوخۆی ئێرانن. هەروەها داوایان لە ئەو وڵاتە کردووه کە کۆتایی بە پەیوەندییە دیپلۆماسییەکانی لەگەڵ ئێران بێنیت و سپای پاسداران وەکوو ڕێکخراوێکی تیرۆریستی بناسێنێت.
