سازمانی خه‌باتی کوردستانی ئێران
خەباتمێدیا: هەڵمەتی ئینترنەتی بۆ دەرکردنی باڵویزانی ڕژیمی ئاخوندی لە دامەزراوە نێونەتەوەییەکان و وڵاتانی گروپی حەوت کە ماوەیەک پێش ئێستا لە لایەن کۆمەڵێک لە چالاکوانانی ئێرانی دەستی پێی کردوو, لەلایەن زۆرتر لە ۹µ۰ هەزار کەس واژۆ کراوە.
کاوە شەهروز, پارێزەر و چالاکی مافی مرۆڤ و دانیشتووی کەنادا, هەروەها حامید ئیسماعیلیون وتەبێژی خانەوادەی گیانبەختکردووانی فڕۆکەی ·µ۲ی ئۆکراینی لەگەڵ چەند کەسێکی دیکە لە چالاکوانانی ئێرانی ئەم هەڵمەتەیان لە ڕێکەوتی ۲۳ی ڕەزبەر دەست پێی کردووە.
مەتنی ئەم داواکارییە کە لەسەر پرۆگرامی "چینج" کە پلەتفۆرمێکە بۆ کۆ کردنەوەی واژۆی ئۆنلاین دامەزراوە, داواکاری لە وەزیرانی دەرەوەی وڵاتەکانی بریتانیا, کەنادا, ئەمریکا, ژاپۆن, ئەڵمان, فەرانسە و ئیتالیا دەکات تا لەسەر کردەوە دژە یاسایی و دژەمرۆڤییەکانی ڕژیمی ئاخوندی ئێران کە دژ بە ناڕازیان دەیکات, کاردانەوەیان بێت و باڵویزانی حکومەتی ئێران لەو وڵاتەکانیان دەر بکەن.
واژۆکەرانی ئەم داواکارییە هەتا ئێستا زۆرتر لە ۹µ۰هەزار کەسن. بەئاماژە بە ڕووداوی ئاگرتێبەردانی بەندینخانەی ئێڤین, داواکارییان لە وڵاتانی گروپی حەوت کردووە تا زۆر بەجیددی و ڕاشکاوانە داواکاری ئازاد کردنی بەندکراوانی هاووڵتانی دووڕەگەز نامە لەو بەندینخانەیە بن.
