سازمانی خه‌باتی کوردستانی ئێران
خەباتمێدیا: ناوی سپای پاسداران بەفەرمی چووە ناو لیستی رێکخراوە تیرۆریستیە دەرەکیەکانی ئەمریکاوە، هاوکات کۆمیسۆنی ئەمنیەتی میللی و سیاسەتی دەرەوەی پارلەمانی ئێرا
خەباتمێدیا: ناوی سپای پاسداران بەفەرمی چووە ناو لیستی رێکخراوە تیرۆریستیە دەرەکیەکانی ئەمریکاوە، هاوکات کۆمیسۆنی ئەمنیەتی میللی و سیاسەتی دەرەوەی پارلەمانی ئێران گەڵاڵەیەکی پەسەند کرد کە لە کاتی پەسەند کردنی کۆتایی ئەم گەڵاڵەیە، دەوڵەت مووەزەفە هەنگاوی یاسای لەبەرانبەر ئەم بریارە هەڵگرێ.
هەواڵنێری رۆیتەرز دەڵێتØ› بریارەکەی دۆناڵد تڕامپ لەپێوەند بە جێگیرکردنی سوپای پاسداران لە لیستی رێکخراوە تیرۆریستیە دەرەکیەکانی وەزارەتی دەرەوەی ئامریکا، رۆژی دوشەممە 26ی خاکەلێوە لە بڵاوکراوەی رەسمی فیدڕاڵی نەتەوە یەکگرتوەکانی ئامریکا پەسەند کرا.
سەرۆک کۆماری ئەمریکا رۆژی 19ی خاکەلێوە، سپای پاسدارانی وەک ئامرازێکی سەرەکی حکومەتی ئێران بۆ بەڕێوەبردن و جێ بە جێ کاری کێشە نێودەوڵەتیەکانی ترۆریسم ناساند، و رایگەیاند کە سپای پاسداران لە لیستی رێکخراوە ترۆریستیە دەرەوەکیەکانی وەزارەتی دەرەوی ئەمریکا جێگیرکراوە.
وەزارەتی دەرەوەی ئەمریکا زیاتر لە 60گروپ و رێکخراوی خستۆتە ناو لیستەی رێکخراوە ترۆریستیە دەرەکیەکان، لە ناویاندا: ئەلقاعیدە،گروپی حکومەتی ئیسلامی (داعش)،حیزبوڵڵای لوبنان و هەندێک لە تەشکیلاتی فڵستینی.
بەجێگیرکردنی سپا لە نێو ئەم لیستە،کۆنگرەی ئامریکا یەک حەووتو کاتی هەبووە کە پێداچونەوە و رازی بوون یان ناڕازی بوونی خۆی رابگەیێنێ. ئێستا بە فەرمی بوونی جێگیرکردنی سپای پاسداران لە ناو لیستی ترۆریستی ئامریکا، وادەردەکەوێت کە کۆنگرە هیچ موخالفەتێکی نیە.
کۆمەڵێک لە فەرماندە نیزامیەکانی رژیمیش هەڕەشەی ئەوەیان کردووە کە ئامریکا بەم کارەی، ئەمنیەتی هێزەکانی خۆیان لە هەندێک وڵاتی دونیا،بە تایبەت هێزەکانی فەرماندەی ناوەندی ئامریکا، ناسراو بە سوننەتکامی خستۆتە مەترسیەوە.
