سازمانی خه‌باتی کوردستانی ئێران
ئاژانسی هەواڵی میزان، سەر بە دەزگای قەزایی ڕژیمی ئاخوندی، سەرلەبەیانی ڕۆژی شەممە ٢٤ی بەفرانبار، لەسێدارەدانی عەلیڕەزا ئەکبەری،کە خاوەن پاسپۆرتی ئێرانی بەریتانی و بریکاری پێشووی وەزارەتی دیفاعی ڕژیمی ئێران بە تۆمەتی “مفسد فی الارض”و کردەوەی بەرفراوان دژی ئاسایشی ناوخۆیی و سیخوڕی کردن بۆ هەواڵگری حکومەتی بەریتانیا." ڕایگەیاند.
بەپێی ئەو تۆمەتە کە لەلایەن دەزگای قەزایی ڕژیمی ئێرانەوە بۆ ئەکبەری دەرکراوە، ناوبراو بە "جاسوسی کردن بۆ بەرژەوەندی ئینگلیس، پەیوەندی لەگەڵ دەزگای سیخوڕی MI6 و ژمارەیەکی زۆر دیدار لەگەڵ ئەفسەرانی ئیتلاعاتی دوژمن لە وڵاتانی جیاجیا و ماوەیەکی درێژخایەنی سیخوڕیکردن" تۆمەتبار کراوە. "
جەیمس کلیوەرلی وەزیری دەرەوەی بەریتانیا پێشتر داوای لە ڕژیمی ئێران کردبوو ئەم هاووڵاتییە لەسێدارە نەدات. ناوبراو ڕۆژی هەینی لە پەیجی تایبەتی خۆی لە تویتەر نووسیویەتی: بە شێوەیەکی یەکلاکەرەوە بەدوای دۆسیەی ئەکبەریدا دەگەڕێین. "ڕژیمی ئێران نابێت گومان لە ئیرادەی ئێمە بکات".
