سازمانی خه‌باتی کوردستانی ئێران
خەباتمێدیا: عەلی یونسی، خۆێندکاری بلیمەتی زانستگای شەریف و براوەی خەڵاتی زێڕی ئۆلەمپیادی جیهانی (نجوم و ئەختەرفیزیک)، کە لە خاکەلێوەی ١٣٩٩ی هەتاوی گیراوەو پاش دوو سال بەند کران لە ژووری تاکەکەسی و هەروەها شکەنجەو لێدان، لە بانەمەڕی ١٤٠ ١ی هەتاوی بە تۆمەتی هاوکاری لەگەڵ سازمانی مۆجاهدینی خەلقی ئێران، ١٦ ساڵ زیندانی بەسەردا سەپا.
میر یوسف یونسی، باوکی عەلی، لە ٧ی بەفرانباری ١٤٠ ١ی هەتاوی لە لایەن هێزەکانی رژیم گیراوە و لەوکاتەوە لە گرتووخانەو ژووری تاکەکەسیدایە. بە وتەی رەزا یونسی، کۆڕی دیکەی میریوسف، ناوبراو بە بۆنەی چالاکییە سیاسییەکانی لە دەیەی ٦٠ وە هەروەها بە هۆی ئەوەی کە باوکی عەلی یونسییە، بۆتە قوربانی پیلانەکانی دەسەڵات و بەکرێگیراوەکانی ئیتلاعاتی رژیمی ئاخوندی.
هەروەها ئایدا یونسی، کچی ناوبراو لە توویتێکدا نووسیبووی کە باوکی لە دەرمان و چارەسەریە تەندرووستیەکان بێ بەش کراوەو گیانی لە مەترسیدایە. ئایدا یونسی رایگەیاندوە کە بۆ هەر ڕوداوێک کە بێتە هۆی دروست بوونی کێشە بۆ تەندروستی باوکی، رژیمی ئاخوندی بە بەرپرس دەزانێت.
