سازمانی خه‌باتی کوردستانی ئێران
خبات میدیا : ئەنتۆنی بلینکن، وەزیری دەرەوەی ئەمریکا ڕۆژی یەکشەممە ٩ی بەفرانبار ڕایگەیاند، ئێران پێشنیاری ئێستای بۆ گەڕانەوە بۆ ڕێککەوتنی ئەتۆمی ڕەتکردۆتەوە و وتی: واشنتۆن هێشتا پێی وایە دیپلۆماسی کاریگەرترین ڕێگایە بۆ مامەڵەکردن لەگەڵ دۆسیەی ئەتۆمی ئێران.
هەروا بلینکن لە چاوپێکەوتنێکدا لەگەڵ کەناڵی ( ئەلعەرەبییە )ئاماژەی بەوەدا کە لاوانی ئێرانی بەرگری لە مافە سەرەتاییەکانی خۆیان دەکەن بەرامبەر بە ڕێژیمی ئاخوندی و وتی: ئێستا تەرکیزی ئەمریکا دژی چەوساندنەوەی خەڵکە لە شەقامەکان لەلایەن ڕێژیمی ئێرانەوە.
بلینکن تاکیدی لە پشتیوانی ئەمریکا لە گەلی ئێران کردەوە و ڕایگەیاند کە بڕیاری گۆڕینی ڕێژیم لە کۆتاییدا پەیوەستە بە خەڵکەوە.
ناوبراو له دریژە دا وتی : ڕژێمی ئاخوندی خەڵکەکەی بەو بیرۆکەیە ڕازی دەکات کە ئەمریکا دەیەوێت ڕژیم بگۆڕێت.
هەروەها وتی کە ئێران لە جەنگی دژ بە ئۆکرانیا پاڵپشتی ڕووسیا دەکات و فڕۆکەی بێ فڕۆکەوان و چەکی دیکە بۆ ڕووسیا دابین دەکات، هاوکات نیگەرانیی خۆی لە دابینکردنی فڕۆکەی بێفڕۆکەوان و موشەک لە لایەن تاران بۆ مۆسکۆ دەربڕی.
