سازمانی خه‌باتی کوردستانی ئێران
خەباتمێدیا: فەرماندەیی سەربازی ناوەندی ئەمریکا "سنتکهام" ڕایگەیاند کە لە ۴ جار هەوڵ و بەدواداچووندا, توانیویانە ۴ باری قاچاغی چەک و تەقەمەنی کە ڕژیمی ئاخوندی ئێران لە ڕێگای دەریاوە بۆ حوسییەکانی یەمەنی ناردووە گرتوە.
هەروەها ڕۆژی چوارشەممە ۱۲ی ڕێبەندانی ۱۴۰۱ی هەتاوی, "مایکل کورلا" فەرماندەی, فەرماندەهی ناوەندی ئەمریکا, بەبۆنەی گرتنی ۱۰۰ ماتۆری فرۆکەی بێ فرۆکەوان, کە دەسەڵاتی ئاخوندی بۆ حەوسییەکانی ناردوە, دەسخۆشی و پێیزانینی لە هێزە ئەمنییەکانی یەمەن کرد.
هەروەها چوارشممە ۱۲ی ڕێبەندان, ڕۆژنامەی "وال استریت ژورنال" ڕاپۆرتێکی لەزاری بەرپرسانی ئەمریکایی بڵاو و کردەوەو ڕایگەیاند کە هێزی تایبەتی فەرانسە, لەم دواییانەدا کەشتیەکی پڕ لە چەک و تەقەمەنی ڕژیمی ئێران, بریتی لە ۳هەزار چەک, نیو ملیۆن فیشەک و ۲۰ موشەکی دژە تانک, کە لەڕێگەی دەریاوە بۆ حوسییەکان دەنێردرا، گرتووە.
