سازمانی خه‌باتی کوردستانی ئێران
بە پێی هەواڵەکان، ڕۆژی چوارشەممە 12ی ڕەشەممە 1401 هەتاوی 36 کەس لە پێوەندی لە گەڵ قاچاخی کەرەسەی هۆشبەر بۆ ئێران و دەستبەسەرداگرتنی 114 کیلۆ کەرەسەو ماددەی هۆشبەر و 3هەزار حەبی" ئێکستازی ومێتادۆن" لە لایەن پۆلیسی دژە ماددە و کەرەسە هۆشبەرەکانی کۆماری ئازەربایجان گیراون.
هەروەها، ئەو کەسانە ئەندامی گرووپێکی "تاوانبارو ڕێکخراو" بوون کە بڕێکی زۆر مادەی هۆشبەریان پێ بووە.ئەو کەسانە بە ناوەکانی، پەنهان، بابا، پەیمان، ئاراز لە ئێرانەوە بۆ ئازەربایجان پەیامیان دەنارد و ڵە تۆڕە کۆمەڵایەتییەکان بە ڕێکلامکرن بۆ بە کارهێنانی کەرەسە هۆشبەرەکان، لاوانیان هان دەدا بۆ بە کارهێنانی مەوادە هۆشبەرکان.
شایەنی باسە، دواوبەدای هێرشی چەکداری بۆ سەر باڵوێزخانەی کۆماری ئازەربایجان لە تاران و گیاندانی بەرپرسی بەشی ئەمنی ئەو باڵوێزخانەیە و برینداربوونی دوو کارمەندی دیکەی باڵوێزخانەی کۆماری ئازەربایجان، وەزارەتی کاروباری دەرەوەی ئازەربایجان باڵوێزخانەی خۆی لە تاران داخست و دیپلۆماتکارەکانی لە تاران گەڕاندەوە بۆ وڵاتەکەیان.
هاوکات، ئازەربایجان هێرشی ڕۆژی هەینی بۆ سەر باڵوێزخانەکەی لە تاران بە تێرۆریستی ناو برد و ڕژیمی ئاخۆندی لە پاراستنی ئاسایشی کارمەندانی باڵوێزخانە بە بەرپرسیار زانی.
