سازمانی خه‌باتی کوردستانی ئێران
ڕۆژی سێشەممە ١٨ی ڕێبەندان ڕێکخراوی لێبوردنی نێودەوڵەتی ڕایگەیاند کە لانیکەم ١٤ خۆپیشاندەر لە کاتی ڕاپەڕینە سەرتاسەرییەکان گیرابوون بە ئەگەری زۆر مەترسی لە سێدارەدانیان لەسەرە.
ئارشیا تەکدەستان، جەواد ڕوحی، ئیبراهیم نارۆیی، کامبیز خورۆت، مەجید کازمی، مەنوچێهر میهماننەواز ، مەنسوور دێهمەردە، محەمەد بروغنی، مێهدی بەهمەن، مێهدی محەممەدیفەرد، محەممەد قەبادڵوو، ساڵح میرهاشمی، سەعید یاقووبی و شوعیب میربەلووچ زەهی ڕیگی،ئەو چواردە کەسەن کە لە ڕاپۆرتەکەیدا باس کراون کە مەترسی لە سێدارەدانیان لەسەرە.
هەروەها ئەم ڕێکخراوە بە ئاماژەدان بە پێشێلکردنی "دادگایی دادپەروەرانە"ی ئەم زیندانیانە، ناڕەزایەتی دەربڕین بەرامبەر بە ئێعدام لەلایەن دەسەڵاتەوە، ڕایگەیاند کە ڕژیمی ئاخۆندی لانیکەم ١٠ لەو زیندانیانەیان خستۆتە ژێر "شکەنجە و مامەڵەی خراپی دیکە، لەوانەش قامچی لێدان" بە مەبەستی بەدەستهێنانی دانپێدانانی زۆرەملێ. , تەزووی کارەبا، هەڕەشەی کوشتن، دەستدرێژی و....
بە پێی هەواڵەکان، لە سەرەتای ناڕەزایەتییە سەرانسەریەکان تا ڕۆژی سێشەممە 18ی ڕێبەندان 4 خۆپیشاندەر لەو 14 کەسە، لە لایەن دەزگای قەزایی ڕژیم لە سێدارە دراون و528 خۆپیشاندەری دیکەش بە تەقەی هێزە سەرکوتگەرەکانی ڕژیمی ئاخۆندی شەهید کراون.
