سازمانی خه‌باتی کوردستانی ئێران
خەباتمێدیا: محەممەدڕەزا هاشمیان، پسپۆڕی بەشی چاودێری تایبەت لە نەخۆشخانەی "مەسیح دەنێشواری" لە چاوپێکەوتنێکدا لەگەڵ ڕۆژنامەی "هم میهن"، ڕایگەیاند کە ئەنجامدەرانی هێرشەکانی سەر قوتابخانەکان جۆرێک لە گازی تێکەڵاو بۆ ژەهراویکردنی خوێندکاران بەکار دەهێنن کە دەست پێی گەیشتن بەو گازە کە بۆ خەڵکی ئاسایی و خەڵکی گشتی ئەگەری نییە.
هاشمیان پێداگری لەسەر جددی بوونی دۆخی ژەهراویبوونی خوێندکارەکان کردەوە و ڕایگەیاند، لە هەندێک ڕاپۆرتدا، خەڵک تووشی سڕبوونی ماسولکەکان یان ئیفلیجی کاتی بوون. که مەترسیدارە و دەتوانێت کاریگەری توندتر وەک کێشەی گورچیلە و سییەکانی بەدوادا بێ.
ناوبراو ڕووی دەمی لە وەزارەتی تەندروستی کرد و ڕایگەیاند، "نابێت ئەم بابەتە بە سوکی تێپەڕێنرێت". پێویستە بەرپرسانی وەزارەتی تەندروستی ڕاپۆرت لەسەر ئەم بابەتە بدەن و نابێت زۆر بە ئاسانی پشت گویی بخەن. ئێمە لە سەرەتای چیرۆکەکەداین و پێویستە بزانین چی ڕوویداوە. "پێویستە وەزارەتی تەندروستی پێمان بڵێت چی ڕوودەدات و چ گازێک بڵاو دەبێتەوە.
بەپێی زانیارییەکان هەتا ئەمڕۆ زیاتر لە ۳µ شار هێرشی سیستماتیکیان بەخۆوە بینیوە بە گازی ژەهراوی بۆ سەر قوتابیان لە قوتابخانەکاندا بڵاو کراوەتەوە.
