سازمانی خه‌باتی کوردستانی ئێران
"دامەزراوەی پارێزگاری لە دیموکراسیەکان" دەڵێت لە کاتێکدا هەواڵی دانوستانی ئەمریکا لەگەڵ ئێران بۆ ئازادکردنی هاووڵاتیانی ئەو وڵاتە که له ئێران بەبارمتەگیراون دەبیسترێت، پێویستە کۆشکی سپی بەبێ دانی باج بەو حکومەته و فشار هاوردن بۆ سەر ئەو دەسەڵاتە بەبارمتەگیراوەکان ئازاد بکات.
بەپێی ڕاگەیاندنی ئەو دامەزراوە، حوسێن ئەمیرەبدوڵڵاهیان وەزیری دەرەوەی ئێران ڕۆژی یەکشەممە ڕایگەیاند کە ئەمریکا و ئێران لە لێواری "ئاڵوگۆڕی بەندکراوان"دان, لەهەمان کاتدا میدیاکانی ئێرانیش بەو هەواڵە زیادیان کردووە کە ئاڵوگۆڕەکە دەبێ بەدانی باج لە واشنتۆنەوە بۆ تاران ڕێک بکەوێت و پارەیەکی دیاری کراو بۆ ڕژیمی ئاخوندی ئێران بگەڕێتەوە.
کۆشکی سپی چەندین جار ئەو قسانەی ڕەتکردووەتەوە، بەڵام ڕایگەیاندووە، ڕاجێر کارستێنس، نێردراوی تایبەتی سەرۆک کۆماری ئەمریکا بۆ وتووێژ لەسەر گرتنی نایاسایی و دۆسیەی بارمتەگرتن لە سەرانسەری جیهان, لە نێوان ١٣ بۆ ١٦ی مارس بۆ قەتەر سەفەر دەکات.
