سازمانی خه‌باتی کوردستانی ئێران
خەباتمێدیا: سالح نیکبەخت, پارێزەری خانەوادەی شەهید ژینا ئەمینی, بانگهێشتی لەقی دووهەمی دادسەرای ڕژیم لە گرتووخانەی ئێڤین کراوەو لەوێدا بە چالاکی تەبلیغاتی دژ بە دەسەڵاتی ئاخوندی تۆماتبار کراوە.
تۆڕی مافی مرۆڤی کوردستان, ئەم هەواڵەی بڵاو کردەوەو ڕایگەیاند کە ناوبراو بە لێدوان لەگەڵ میدیاکانی دەرەوی ئێران و ڕاگەیاندن و زانیاری بڵاو کردن لەسەر خانەوادەی ئەمینی تۆمەتبار کراوە. نیکبەخت پێشتریش پارێزگاری لە چەندین بەندکراوی سیاسی کردوەو ئێستاش بەشێوەی کاتی و بە دانانی بارمتە ئازاد کراوە.
ناوبراو پێشتر ڕایگەیاندوو کە خۆی و پارێزەرەکانی دیکەی خانەوادەی ئەمینی بۆ لێکۆڵینەوەی بابەتی شەهید کرانی ژینا ئەمینی, لەلایەن دەسەڵاتەوە هیچ هاوکارییەکیان لەگەڵ نەکراوە.
