مانگرتنی گشتی مامۆستایان پێی نایە دووەم رۆژ

خەباتمێدیا: مانگرتن و نارەزایەتی گشتی مامۆستایانی ئێران پێی نایە دووهەم رۆژی خۆی.
رۆژی سێشەممە رێکەوتی 22ی خەزەڵوەر، مامۆستایانی شەریفی ئێران دەستیان دایە مانگرتنێکی گشتی و نەچوونە سەر کلاسەکانیان و لەقوتابخانەکاندا دەستیان دایە مانگرتن، ئەم مانگرتنەش بۆ نارەزایەتی دەربرین لەپێوەند بە گرتن و دەست بەسەرکردنی مامۆستایانی مانگرتنەکانی مانگی رابردوو و هەروەها گرتن و سەرکووتی فەرهەنگیان و نالەباری دۆخی حەقدەست و بەرزبونەوەی نرخی کرین، دەستیان داوەتە ئەم مانگرتنانە.
ئەمرۆش چوارشەممە رێکەوتی 23ی خەزەڵوەر، مامۆستایان لە هەریەکە لە شارەکانی ئیسفەهان، تاران، نەجەف ئاباد، شیراز، یەزد، کەرەج، کرماشان، بوشەهر، ئیسلام شار، بابل، سەقز،دیواندەرە، سەردەشت، روانسەر، پیرانشارو دەیان شاری دیکە بەردەوامیان بەم مانگرتنانە داوە.