سازمانی خه‌باتی کوردستانی ئێران
خەباتمێدیا: حەسەن کرمی، فەرماندەی هێزە تایبەتییەکانی ڕژیمی ئاخوندی ئێران، ناڕەزایەتییە سەرتاسەرییەکانی ئەم دواییەی ئێرانی بە "ئاژاوەگێڕی و جوڵەی دوژمن" وەسف کرد و ڕوونی کردەوە کە بۆ ڕووبەڕووبوونەوەی ئەگەری ناڕەزایی لە "۴۰۰ شار و ناوچە" لە ساڵی نوێدا، پێویستە تواناکانی ئەم دامەزراوە ئەمنییە "دوو هێندە" بکەن.
لە نێوانی ناڕەزایەتییە سەرتاسەرییەکانی ئەم دواییەی ئێران کە لە دوای شەهید کرانی ژینا ئەمینی لە لایەن پۆلیسی ئاسایشی ئەخلاقی بە بیانووی ڕەچاونەکردنی حیجابی حکوومەت لە مانگی ڕەزبەری ساڵی ڕابردوو دەستی پێکرد، نزیکەی ٥٣٠ خۆپیشاندەری ڕاپڕیو بە تەقەی ناوەندە سەرکوتگەرەکانی شەهید کراون.
