سازمانی خه‌باتی کوردستانی ئێران
خەباتمێدیا: ئەمڕۆ دووشەممە ٧ی خاکەلێوە، لاپەڕەی "دادبان" لە تویتەر گرتەیەکی ڤیدیۆیی لە پارسا قوبادی یەکێک لە ڕاپەڕیوانی ڕاپەڕینەکانی "ژن، ژیان، ئازادی" کە لە ڕەوتی ڕاپەڕینە سەرتاسەریەکان چاوی لەدەست دابوو بڵاوکرده‌‌‌وه.
ناوبراو لەم گرتە ڤیدیۆییەدا، بەبۆنەی هاتنی ساڵی نوێی هەتاوی، دەڵێت: "هەرچەندە ئەمساڵ جەژنمان نییە، بەڵام هیوادارم لە ساڵی نوێدا خوێنی بە ناڕەوا نەڕژێت".
پارسا قوبادی کە تەمەنی تەنیا ١٨ ساڵە، لە ۳۰ی خەزەڵوەری ساڵی ١٤٠ ١ لە شاری کرماشان، دوای ئەوەی هێزە سەرکوتکەرەکانی ڕژیمی ئاخوندی تەقەیان لێ کردو به‌‌‌و هۆیه‌‌‌وه بینایی چاوه‌‌‌کانی له‌‌‌ده‌‌‌ست داوه و به‌‌‌و شێوه‌‌‌ش بۆ ماوه‌‌‌ی چه‌‌‌ند ڕۆژێک له‌‌‌هه‌‌‌مان دۆخدا له گرتووخانه مایه‌‌‌وه.
