سازمانی خه‌باتی کوردستانی ئێران
بەپێی دوایین نرخ کە لە بازاڕی تاران ڕاگەیەندرا، نرخی هەر دۆلارێکی ئامریکا 55هەزار تۆمانی تێپەڕاند. ئەم بەرزبوونەوەی نرخە لە کاتێکدا ڕوودەدات کە زۆرێک لە بەشەکانی بازاڕ بە هۆی نەورۆز لە ئێران داخراون.
ڕۆژنامەی ئیکۆنۆمیست، لە دوایین ڕاپۆرتی خۆیدا سەبارەت بە ئێران، دۆخی ئابووری ووڵاتی بە دڵتەزێن ناوبرد و پێداگری لەوە کردەوە کە ڕژیمی ئاخوندی ئێران بۆ ڕزگارکردنی دۆخی ئابووری خۆی ڕووی لە ڕێککەوتن لەگەڵ ووڵاتانی دراوسێ کردووە.
بە بڕوای چاودێران، ئابووری زۆرەملی
ڕژیمی ئێران لە خراپترین دۆخی خۆیدایە و ئەم ووڵاتە دەرفەت بۆ مانەوەی خۆی دەخوڵقێنێت.
لەو چوارچێوەیەدا بەهائەدین حوسێنی، پسپۆڕی ئابووری بە تیجارات نیوزی ڕاگەیاندووە، بەراوەردەکان دەریدەخەن کە بەدڵنیاییەوە ساڵی داهاتوو ڕووبەڕووی هەڵاوسانی 40-50% یان تەنانەت زیاتر دەبینەوە.
بەشێک لە شارەزایانی ئابووری پێداگریان لەوە کردووەتەوە کە پاشکەوتە پوڵییەکان لە ئێراندا دیار نییە، ئەم ووڵاتە لە ئێستاشدا دەتوانێت ڕووبەڕووی قەیرانی پوڵ ببێتەوە.
