سازمانی خه‌باتی کوردستانی ئێران
خەباتمێدیا: ڕاپۆرتی چاوپێکەوتن لەگەڵ خوێندکارانی چەند زانکۆیەک وا دەردەخات کە جگە لە دانانی ژمارەیەکی زۆری هێزی ئەمنی و جل شەخسی نوێ، دانانی دوربینی چاودێری لە دەرواز و ناو زانکۆکان و تەنانەت لە ژووری نوستنی و هەر وەها خاڵی پشکنین لە دەروازەکانی زانکۆکان لە ڕۆژەکانی دوای نەورۆز, جەوێکی ئەمنی نەخوازراوی بۆ خوێندکاران دروست کردووە. بۆ نمونە دانانی دوربین چاودێری لە ژووری نوستنی کچانی زانکۆی ئیسفەهان, دەنگی ناڕەزایەتی خوێندکارانی بەرزکردۆتەوە. شایانی باسە هەزاران خوێندکار دوای کۆتایی هاتنی پشویی نەورۆز نامەی هەڕەشەی بێ بەش کردن لە خوێندنیان بۆ ڕۆیشتووه کە ئەگەر یاساکانی حیجابی زۆری ڕەچاو نەکەن پێش به بەشداریان لە کەلاسەکان دەگیرگێت. زۆرێک لەو خوێندکارانە لە ساڵی ڕابردوودا لانیکەم جارێک ئەم جۆرە نامەیان پێی گەیشتووە. ئەم نامەی هەڕەشە کردنە لە ئێستادا بەشێوەی ئەوتوماتیک بۆ خوێندکاران دەڕوات.
