سازمانی خه‌باتی کوردستانی ئێران
نەرگس محەمەدی، جێگری سەرۆکی ناوەندی داکۆکیکارانی مافی مرۆڤ، لە گرتەیەکی ڤیدیۆییدا کە لە کاتی گەڕانەوەی بۆ زیندان تۆماری کردووە، دەڵێت، هەرچەندە بۆ جاری چەندەمە کە دەڕۆمە زیندان، بەڵام نەک نیگەران و بێ هیوا نیم، بەڵکوو زۆر هیوادارتر لە ڕابردوو داگەڕێمەوە بۆ زیندان.
محەممەدی لەم گرتە ڤیدیۆییەدا کە لە هەمان کاتدا لەگەڵ یادی ٥٠ ساڵەی لە دایکبوونی ئەم چالاکە سیاسییە لە ڕۆژی ١ی مانگی گوڵان بڵاوکرایەوە، پێاگری لە سەر پێویستی "خۆڕاگری" بۆ بەدیهێنانی دێموکراسی لە ئێران کردەوە.
نەرگس محەمەدی بە هۆی چالاکی مافی مرۆڤەوە چەندین جار گیراوە و سزای زیندانی بەسەردا سەپێنراوە. ناوبراو بۆ دواجار لە مانگی خاکەلێەی ئەمساڵدا کاتێک هێزە ئەمنییەکان هێرشیان کردە سەر ماڵە تایبەتیەکەی گیرا و بۆ زیندانی ئەڤین گواسترایەوە. ناوبراو لە دوو حاڵەتی جیادا بە گشتی دە ساڵ و هەشت مانگ زیندانی و ١٥٤ قامچی سزای بەسەردا سەپێنراوە.
