سازمانی خه‌باتی کوردستانی ئێران
خەباتمیدیا: مانگرتنی کرێکارانی ئێرانی لە یەکە پیشەسازییە جۆربەجۆرەکان، لە ڕۆژی یەکشەممە ۳ی بانەمەڕ درێژەی بوو.
هەر لەو پێوەندییەدا کارمەندانی کۆمپانیای "مۆبین سەنعەت" لە ناڕەزایەتی بە نەدانی پاشەکەوتی خۆیان مانیان گرت و دەستیان لە کار کێشایەوە.
کرێکارانی مسی فەراسان کە لە خاتون ئاباد مس، کرمان کار دەکەن، بە ناڕەزایەتی دەربڕین بە نەدانی پاشەکەوتەکانیان مانیان گرت.
دوابەدوای مانگرتنی کرێکارانی پیشەسازیی نەوت، گاز و پترۆشیمی ئێران، کارمەندانی کۆمپانیای پۆڵایی غەدیر نەیریز بە ناڕەزایەتی دەربڕین بە نەدانی پاشەکەوتەکانیان مانیان گرت.
هەروەها کرێکارانی بەڕێوبەری پڕۆژەی نەوت و گاز و پترۆشیمیی "ئەزمون فلز پارس" لە تاران ڕۆژی یەکشەممە ٣ی بانەمەڕ مانیان گرت و لە شوێنی ئەو کۆمپانیایە کۆبوونەوە.
ژمارەیەک لە کرێکارانی کۆمپانیای. "آی جی سی لە "جەفیر"ی سەر بە پارێزگای خوزستان وەک ناڕەزایەتییەک بەرامبەر بە زیاد نەکردنی حەقدەستەکانیان مانیان گرت و دەستیان لە کار کێشایەوە
