سازمانی خه‌باتی کوردستانی ئێران
رۆژی شەممە ١ی بانەمەڕی١٤٠ ٢ی هەتاوی، لە بەردەم بنکەی رێکخراوی نەتەوە یەکگرتووەکان و لە مەیدانی ناسیۆنی شاری ژنێو، یادی ٣٣هەمین ساڵرۆژی تیرۆرکرانی شەهید دوکتور کازمی رەجەوی شەهیدی مافی مرۆڤ، لەلایەن ترۆریستەکانی رژیمی ئاخوندیەوە بەرز راگیرا.
لەو رێورەسمەدا کە لەلایەن دەفتەری شۆرای ملی مقاومەتی ئێران لە وەڵاتی سوئیس رێکخرابوو، ژمارەیەک کەسایەتی سیاسی ئەو وەڵاتە و کاک ئازادی حوسێنزادە بەرپرسی کومیتەی سوئیسی سازمانی خەباتی کوردستانی ئێران پەیامیان پێشکەش کرد.
کومیتەی سوئیسى سازمان لە پەیامەکەیدا وێڕای مەحکوم و پرۆتستۆی کردەوە ترۆریستیەکانی رژیمی ئاخوندی دژ بە چالاکانی سیاسی کورد و ئێرانی، داوای لە وەڵاتی سوئیس کرد پەروەندەی تیرۆری دوکتور کازمی رەجەوی بەجیددی وەگەڕ بخرێتەوە و رژیمی ئاخوندی بەو بۆنەوە بخرێتە ژێر فشارەوە و تاقمە ترۆریستەکانیشی لەو وەڵاتە و ئەوروپا دەرکرێن.
شایانی گوتنە ژمارەیەک لە ئەندامانی کومیتەی سوئیسی سازمانی هاوڕێ لەگەڵ کاک ئازاد بەشداریان لە رێورەسمی شەهید کرانی دوکتور کازمی رەجەویدا کرد.
