سازمانی خه‌باتی کوردستانی ئێران
خەباتمێدیا: لە کاتێکدا کە مانگرتنە بەرفراوانەکانی کرێکاران لە ئێران بەردەوامە، مولوی عەبدولحەمید, پشتیوانی لەو مانگرتنانە کرد و داوای لە حکومەت کرد بە پێی داخوازییەکانی خەڵک هەنگاو بنێت.
عەبدولحەمید ئیسماعیلزهی ڕۆژی هەینی هەشتی بانەمەڕ لە ووتاری حەوتووانەی خۆی لە ڕێوڕەسمی نوێژی هەینی زاهیدان باسی لە مانگرتنی بەرفراوانی ئەم دواییەی کرێکاران لە ئێران کرد و وتی: کرێکاران تا ڕادەیەکی زۆر مانیان گرتووە و ئەو کرێکارانە دەڵێن :کە بە هۆی ڕەچاونەکردنی مافەکانیان و کەمی حەقدەست ناتوانێت بژین
لە کاتێکدا یەکێک لە داواکارییەکانی کرێکارانی ناڕازی زیادکردنی حەقدەستەکانیانە مولوی عبدولحەمید وتی: ئەو حەقدەستەی کە دەدرێت بەکرێکاران بەشی هیچ پێداویستێک ناکات.
ە ماوەی ڕۆژانی ڕابردوودا سەرچاوەکانی کار لە ئێران لیستی لانیکەم ٦٠ کۆمپانیای پیشەسازیی جۆراوجۆریان بڵاوکردەوە کە کرێکارەکانیان مانیان گرتووە. بەڵام حکومەت ئەم ناڕەزایەتیانەی ڕەتکردەوە و هەڕەشەی لە کرێکارانی ناڕازی کرد کە بە هەزاران کرێکاری نوێ جێگەیان دەگرنەوە.
