سازمانی خه‌باتی کوردستانی ئێران
ئەگەرچی کوشتنی ئافرەتان نوێ نیە و پێشوونەێیکی مێژووی هەیە، ئێستا ئەم تاوانە رەهەندی دیکەی گرتۆتەبەر و لە حاڵەتەوە بۆ دیاردەی مەترسیدار گوازراوەتەوە، و کۆمەڵگای
ئەگەرچی کوشتنی ئافرەتان نوێ نیە و پێشوونەێیکی مێژووی هەیە، ئێستا ئەم تاوانە رەهەندی دیکەی گرتۆتەبەر و لە حاڵەتەوە بۆ دیاردەی مەترسیدار گوازراوەتەوە، و کۆمەڵگای خستۆتە دۆخێکی ناهەموار و پڕ لە شەرم و شورەیی.
کوشتنی دوو خوشک بە دەستی باوک و برا لە سنە، و لەنێو بردنی بەردەوامی ئافرەتان بەم شێوەیە تاوانێکی گەورەی مرۆڤایەتیە، کە لێخۆشبون و بێدەنگی سەبارەت بەم تاوانە بەڕادەی کوشتنەکە تاوان و جینایەتە.
دەسەڵات هۆکار و هاندەری سەرەکی ئەو رەوتە نامرۆڤانەیە و بێدەنگی لە حاست ئەو کارەساتە پاڵپشت و هاندەرە تا کەسانی دژە مرۆڤ و دژە ئافرەت، نەترسانە کردەوەکەیان ئەنجام بدەن و بە شانازی و مۆرکی بەنێوناموس پەرەستی بخولێنەوە.
پێویستە کۆمەڵگاو رێکخراوەکانی پارێزەر لە مافەکانی ئافرەتان چیتر بێدەنگ نەبن و بە تەنیا بە هەڵوێستی سەرکاغەز کۆتا نەیەن، دەبێ جەماوەر وشیارکەنەوە و بەگوتنی نا بۆ کوشتنی ئافرەتان بە کردار، روبەڕووی هەرچەشنە هەڵاواردن، توندووتیژی وکوشتنێک ببنەوە.
یەکدەنگی و پشتیوانی تێکڕایی پێویستە و رێکخراوی ئافرەتانی خەبات هەرچەشنە توندوتیژی و قەتڵێک لەژێرناوی شەرەف ونامووس پارێزیدا، بەهەرپاساوێک بێت رەد دەکاتەوە و مەحکومی دەکات.
رێکخراوی ئافرەتانی خەبات ی کوردستانی ئێران
21/2/1398
