سازمانی خه‌باتی کوردستانی ئێران
خەباتمێدیا: بەپێی ڕاپۆرتی هەواڵدەری و سەڕچاوه ناوخۆییەکانی ئێران، سەرۆکی ڕێکخراوی ئوڕژانسەکانی ئێران ڕایگەیاندووە کە لە ماوەی ڕۆژانی ڕابردوودا بەهۆی هەوای نالەبار و ڕووداوی سروشتییەوە، لانیکەم ٥٣ کەس بریندار و ٦ کەسیش گیانیان داوە.
جەعفەر مەیعادفەڕ، سەرۆکی ڕێکخراوی ئوڕژانسەکانی ئێران، ڕایگەیاند: چوار کەس لەو کەسانەی گیانیان داوە، خەڵکی پارێزگای ئیسفەهان، کەسێکیان خەڵکی ئەهەر و کەسێکی تریشیان خەڵکی ئەراک بووە. هەروەها منداڵێکی هەشت ساڵان لە شارستانی ئەهەر بەهۆی لافاوەوە گیانی لە داوە. ناکارامەیی بەپرسانی دەسەڵات و پێڕانەگیشتن بە دۆخی ناوچەکان هۆکاری سەرەکی ئەم ڕووداوانەیە.
