سازمانی خه‌باتی کوردستانی ئێران
خەباتمێدیا: زیاتر لە ٣٦٠ نوێنەر و سیناتۆری فەرانسە پشتیوانییان لە داواکاریی خەڵکی ئێران بۆ گۆڕینی ڕژیمی ئەو وڵاتە کرد و لە دەقێکی هاوبەشدا بە ئاماژەدان بە سەرکوتی ناڕەزایەتییەکانی "ژن، ژیان، ئازادی" ڕایانگەیاندووە: لە کاتێکدا زیاتر لە ٧٥٠ خۆپیشاندەر بە دەستی ڕژیمی ئاخوندەکان کوژراون و ٣٠ هەزار کەسیش گیراون، کۆمەڵگەی نێودەوڵەتی دەبێ بەرپرسیاریەتیی خۆی لەئەستۆ بگرێت.
واژۆکارانی ئەم دەقە زیاتر لە ٢٩٠ نوێنەر و هەروەها ٧٦ سێناتۆر لە پارتە جیاوازەکانی فەرانسە لەخۆ دەگرێت.
کۆکردنەوەی واژۆ بۆ ئەم دەقە لە چەند مانگی ڕابردوودا لە ئەستۆی کۆمیتەیەک بە ناوی "کۆمیتەی پارلمانی بۆ ئێرانێکی دێموکرات" بووە.
لە بەشێکی ئەم دەقەدا، واژۆکاران پێداگریان لەوە کردووەتەوە کە "هەر گۆڕانکارییەک دەبێ لەلایەن خەڵکی ئێران و خۆڕاگریی خۆیانەوە بێت".
