سازمانی خه‌باتی کوردستانی ئێران
خەباتمێدیا; بەپێی ڕاپۆرتی میدیا نێوخۆییەکانی ئێران، ٩ یەکەی پیشەیی لە شاری سمنان بە هۆی پابەند نەبوون بە یاسا و ڕێساکانی حیجاب زۆری داخراون.
سەرۆکی بەشی شوێنە گشتییەکان لە پۆلیسی زانیاری گشتی و ئاسایشی ڕژیم لە پارێزگای سمنان ڕایگەیاند، ئەو یەکانە بریتین لە "دوو چێشتخانە، دوو کۆمەڵگەی گەشتیاری، دوو ماڵی کلتووری، دوو دوکانی جوانکاری و قاوەخانەیەک".
لە سەرەتای بەهاری ئەمساڵەوە و دوای توندکردنەوەی یاسا و ڕێساکانی تایبەت بە حیجابی زۆری داسەپاوی ڕژیم، تا ئێستا دەیان یەکە و شوێنی پیشەیی و گشتی بە بیانووی پابەندنەبوون بە حیجاب زۆری داخراون.
