سازمانی خه‌باتی کوردستانی ئێران
خەباتمێدیا: ژمارەی بریندارانی ئاگرەکەی بازاڕی نەغەدە زیادی کردووە. بەوتەی نۆبەختنیا: ژمارەی بریندارانی ڕووداوی ئاگرکەوتنەوەکەی ناوەندی بازرگانی “ئەمین”ی نەغەدە زیادی کردووە.
بەپێی ڕاپۆرتی هەواڵی هاژە، قایمقامی شاری نەغەدە ژمارەی بریندارانی ڕووداوی ئاگرکەوتنەوە لە ناوەندی بازرگانی ئەمین بۆ ٣٥ کەس ڕاگەیاندووە. ناوبراو ئاماژەی بەوەشکرد: قوربانیانی ئەم ڕووداوە خاوەن یەکەی بازرگانی بوون کە لەکاتی گواستنەوەی کەلوپەلی دوکانەکانیان بەهۆی هەڵمژینی گازی دی ئۆکسیدی کەربۆن, تەندروستییان تێک چووه و لە ناوەندە پزیشکییەکانی شارەکەدا چارەسەریان بۆ دەکرێت.
جێی ئاماژەیە، شەوی یەکشەممە ۴ی پووشپەڕ، لە ڕووداوێکی ئاگرکەوتنەوە لە ناوەندی بازرگانی ئەمینی شاری نەغەدە، زیاتر لە ٥٠ یەکەی بازرگانی سووتاون و زیانی زۆریش لە خاوەنی ئەو یەکانە کەوتووە.
