سازمانی خه‌باتی کوردستانی ئێران
خەباتمێدیا: هاووڵاتییەکی کورد بە ناوی "شەهلا چووپانی"، دوای گرتنی، بۆ لێپرسینەوە ڕەوانەی ئیدارەی ترۆریستی ئیتلاعاتی ڕژیم لە سنە کرا.
بەپێی ڕاپۆرتی سەرچاوە هەواڵدەریەکان، شەهلا چووپانی تەمەن ٣٥ ساڵ و خەڵکی سەقز، دوای گرتنی لەلایەن هێزەکانی ترۆریستی ئیتلاعاتەوە، بۆ دامەزراوەی ئیتلاعاتی ڕژیم لە سنە، ڕاگوێزرا.
ئەم هاووڵاتییە تا ئێستا لە مافی دەسپێڕاگەیشتن بە پارێزەر و چاوپێکەوتن لەگەڵ خانەوادەکەی، بێبەری کراوە.
ڕۆژی سێشەممە ڕێکەوتی ٦ی پووشپەڕ، کاتژمێر ٩ی بەیانی، هێزەکانی ئیتلاعات بەبێ بەڵگەی یاسایی پەلاماری ماڵی باوکی ئەم هاووڵاتییەیان لە شارەکی قەوەخی سەقز دا و ناوبراویان گرتووە. سەرچاوەکان باس لەوەدەکەن کە ئەم هاووڵاتییە بەهۆی پشتیوانی لە ڕاپەڕینی گەلانی ئێرانەوە گیراوە.
