سازمانی خه‌باتی کوردستانی ئێران
خەباتمێدیا: دادگای باڵای ڕژیم بڕیاری لەسێدارەدانی عەباس دریس، یەکێک لە گیراوەکانی خۆپیشاندانەکانی خەزەڵوەری ٩٨ی پشتڕاستکردەوە.
فریشتە تابانیان; پارێزەری ئەم زیندانییە سیاسییە لە هەژماری تایبەتی خۆی لە تۆڕی کۆمەڵایەتیی تویتەر ئەم هەواڵەی پشتڕاست کردەوە.
عەباس دریس ڕۆژی ١٧ی سەرماوەزی ساڵی ٩٨ لەلایەن هێزە سەرکوتکەرانی ئیتلاعات گیرابوو.
فریشتە تابانیان لە تویتەکەیدا نووسیویەتی: حوکمی لەسێدارەدانی عەباس دریس لە لقی ٣٩ی دادگای باڵا بە تۆمەتی شەڕ پشتڕاستکرایەوە، بەبێ گوێدانە ئەو ناڕەزایەتییانەی باس کراون. تەنانەت ئەم حوکمه بەمن ڕانەگەیەندراوە و له ڕێگەی ئاگاداریی لقی یەکی دادگای ئینقلابی ماهشەر زانیومە.
