سازمانی خه‌باتی کوردستانی ئێران
ئێوارەی ڕۆژی چوارشەممە ٢٢ی خەرمانانی ١٤٠٢، کۆڵبەرێك بە ناوی "ئەحمەد عوسمان محەممەدیان"، تەمەن ٢٤ ساڵ، خەڵکی گوندی "دەرەکێ" سەر بە شاری مەریوان، بە تەقەی ڕاستەوخۆی هێزەکانی سەر سنوری تەتەی هەورامان بە سەختی بریندار بوو و ڕەوانەی نەخۆشخانە كرا.
ئەم کۆڵبەرە لە "دەست" و "لاق"ەوە تەقەی لێ کراوە و بە مەبەستی چارەسەری بۆ نەخۆشخانەی "بوعەلی سینا" لە شاری مەریوان گوازراوەتەوە.
دەوترێت کە ناوبراو بەهۆی سەختی برینەکەیەوە نەشتەرگەری بۆ کراوە و هیچ زانیارییەکی دروست سەبارەت بە دۆخی تەندروستیی ناوبراو نییە.
