سازمانی خه‌باتی کوردستانی ئێران
کچە لاوێکی داهێنەری کورد بە ناوی نگین حوسەینزادە، خەڵکی بۆکانی پارێزگای ورمێی کوردستانی ڕۆژهەڵات، بە داهێنانی "تێکنۆلۆژی بەرهەمهێنانی خواردنەوە پۆست‌بیۆتیکەکان"، توانی میداڵی زیوی داهێنانەکانی ژێنێڤ- سوئیس بۆ ساڵی ٢٠٢٣ بەدەست بهێنێت.
ناوبراو هەروەها نازناوی "باشترین داهێنەر"ی لە لایەن فیدراسیۆنی نێونەتەوەیی داهێنەرانەوە پێ بەخشرا.
کێبڕکێکانی داهێنانەکانی ژێنێڤ- سوئیس، یەکێ لە گرنگترین ڕووداوە نێونەتەوەییەکانە لە بواری داهێنانەوە و ساڵانە لە لایەن فیدراسیۆنی نێونەتەوەیی داهێنەرانەوە و بە بەشداریی سەدان داهێنەری جیهان، بەڕێوە دەچێ.
نگین حوسەینزادە خوێندکاری ماستەری زانست و پیشەی خۆراکی زانکۆی زانستە پزیشکییەکانی تەبرێزە، هەروەها داهێنەری ئەندامی فیدراسیۆنی نێونەتەوەیی داهێنەرانی "ئای.ئێف.ئای،ئەی"یە (IFIA).
