سازمانی خه‌باتی کوردستانی ئێران
وێنگەرێکی لاو بە ناوی "باست مەحموودی"، خەڵکی جوانڕۆی پارێزگای کرماشان، لە فێستیڤاڵی وێنەگریی یونسکۆ لەژێر ناوی "ڕێگای ئاوریشم لە نیگای لاوانەوە"، بە وێنەیەک لە هەورامانی تەخت، پلەی یەکەمی لە ئاستی جیهاندا بۆ خۆی مسۆگەر کرد.
لەم فێستیڤاڵەدا وێنەگرانی لاوی تەمەن ١٨ بۆ ٢٥ ساڵ لە زۆرێك لە وڵاتانی جیهان بەشدار بوون. هەروەها ئەو وێنانە لە پێشانگای دیكەی وڵاتانی جیاواز نمایش دەکرێن و لە کتێبی فێستیڤاڵیشدا چاپ دەکرێن.
باست مەحموودی، تا ئێستا لە چەندین فێستیڤاڵ لە ئاستی ئێران و جیهان بەشداریی کردووە و لە وێنگرە لاوە داهێنەرەکانی کوردستانە و لەم ڕێگایەوە توانیویەتی ناوچە جیاجیاکانی کوردستان بە ئێرانی و جیهانییەکان بناسێنێ.
