گرتنی کچە خوێندکارێکی خەڵکی سەقز .

سەحەر ساڵحیان، خوێندکاری زانکۆ لە بەشی پزیشکی لەدوای هێرشی هێزە سەرکوتکەرەکانی ڕژیم لە شاری سەقز دەست بەسەر و بۆ شوێنێکی نادیار گوازراوەتەوە.
بەپێی سەرچاوە خۆجێیەکان، ڕۆژی شەممە یەکی ڕەزبەری 1402 سەحەر ساڵحیان خوێندکاری زانکۆی زانستە پزیشکیەکانی سنە و چالاکوانی خوێندکاری زانکۆی ئەم زانکۆیە لەدوای گیران لەلایەن هێزە ئەمنیەکانی ڕژیم دەست بەسەر و بۆ شوێنێکی نادیار ڕاگوێزرا. ناوبراو بەبێ هیچ بەڵگەنامەیەکی یاسایی گیراوە.
هەتا ئامادەکردنی ئەم هەواڵە هۆی گیرانی ئەم کچە خوێندکارە و دۆخ و شوێنی مانەوەی لەلایەن ناوەندە سەرکوتکەرەکانی ڕژیم لەبەردەست دا نیە.