سازمانی خه‌باتی کوردستانی ئێران
٨ هاووڵاتیی کورد بە ناوەکانی "حوسێن عاشووری، عەزیم یادگاری، فەرشاد ئایینی، سەعدوڵڵا ئایینی، محەممەدحوسێن حاسڵی، وەحید چاوەران، ناسر ڕەزایی و بەختیار محەممەدزادە"، بانگی دادگای کەیفەریی یەکی ڕژیم لە ئیلام کران.
بەپێی ڕاپۆرتی سەرچاوە ئاگادارەکان; دادگای ڕژیم ئەم ٨ هاووڵاتییەی بە "تێکدانی نەزم و ئاسایشی گشتی، کۆبوونەوە بە مەبەستی ئەنجامدانی تاوان دژی ئاسایشی نێوخۆیی و دەرەکی و نیشاندانی هێز بە کەڵکوەرگرتن لە چەک" تۆمەتبار کردووە.
ئەم ٨ هاووڵاتییە، ١٠ ڕۆژ دەرفەتیان پێ دراوە تاکوو خۆیان بە دادگای کەیفەریی ڕژیم لە ئیلام بناسێنن.
شایانی باسە کە لە ئێستادا وەحید چاوەران، ناسر ڕەزایی و بەختیار محەممەدزادە، لە گرتووخانەی ناوەندیی ڕژیم لە ئیلامدان.
