سازمانی خه‌باتی کوردستانی ئێران
کەناڵی ئەی بی سی نیوزی ئامریکا بڵاویکردەوە، لە پەیوەندییەکی تەلەفۆنیدا، یواڤ گالانت، وەزیری دیفاعی ئیسرائیل, داوای مووشەکی زیاتری هێڵفایەری لە لۆید ئاستن، وەزیری بەرگری ئەمەریکا کردووە.
ئەی بی سی نیوز هەروەها باسی ئەوەشی کردووە کە، کاروانێکی چەک و تەقەمەنیی ئەمەریکا گەیشتووەتە ئیسرائیل و کاروانێکی دیکەش بەڕێوەیە، بڕیارە مووشەکی هێڵفایەر و گولـلەی سیستەمی بەرگریی گۆنبەدی ئاسنین و ژمارەیەک بۆمب لەخۆبگرێت.
وەزیری دیفاعی ئەمەریکا پێداگری لەوە كردووەتەوە، سەرجەم ئەو چەکانە بۆ ئیسرائیل دابین دەکەن کە پێویستیی پێیەتی بۆ سەرکەوتن لە جەنگی دژ بە حەماس.
