سازمانی خه‌باتی کوردستانی ئێران
بەپێی هەواڵەکان، ئەمڕۆ دووشەممە ٢٩ی خەزەڵوەری ١٤٠٢ی هەتاوی، پەرستارانی نەخۆشخانەی تەوحیدی سنە، لە حەوشەی ئەم نەخۆشخانەیە کۆبوونەوەیەکی نارەزایەتییان بەڕێوەبرد.
لەم کۆبوونەوەیەدا پەرستارەکان ناڕەزایەتییان بەرانبەر بە خراپی دۆخی ژیان و نەدانی موچەی ساڵی ١٤٠١, دەربڕی و بە هەڵگرتنی پلاکاردەوە زۆربەی بەشەکانی نەخۆشخانەکەیان (جگە لە بەشەکانی چاودێریی تایبەت) بەجێهێشت و بەرەو بینای بەڕێوەبەرایەتی ڕۆیشتن.
هەروەها سدیق جدیدولئیسلام،
جێگری سەرۆکی گەشەپێدانی زانکۆ ئامادە بوو و داوای هەڵوەشاندنەوەی ئەو کۆبوونەیە کرد کە لە لەگەڵ كاردانەوەی پەرستارەكان ڕووبەڕوو بووەوە. ناوبراو ڕایگەیاند، تا چەند حەوتووی داهاتوو هیچ هەواڵێک لە پارەدان نییە.
