سازمانی خه‌باتی کوردستانی ئێران
سەرلە بەیانیی ئەمڕۆ چوارشەممە، ٨ی سەرماوەزی ۱۴۰۲ی هەتاوی, ئەیووب کەریمی، زیندانیی عەقیدەتیی کوردی خەڵکی مەهاباد، پاش ١٤ ساڵ زیندان، لە زیندانی قزڵحساری کەرەج، لە سێدارە درا.
ئەیووب کەریمی، ڕۆژی ١٦ی سەرماوەزی ١٣٨٨، لەگەڵ ٦ هاووڵاتیی کوردی دیکە بە ناوەکانی قاسم ئابستە، ئەنوەر خزری، داوود عەبدوڵڵاهی، فەرهاد سەلیمی، کامران شێخە و خەسرەو بەشارەت، خەڵکی شارەکانی سەقز و مەهاباد، ڕەشەمەی ١٣٩٤، بە تۆمەتەکانی "هەوڵدان دژی ئەمنییەتیی نەتەوەیی"، "ئەندامەتی لە گرووپە سەلەفییەکان" و "افساد فی‌الارض" لەلایەن لقی ٢٨ی دەزگای گەندەڵی قەزایی بەناو ئینقلابی ڕژیم لە تاران سزای لەسێدارەدانیان بەسەردا سەپا بوو.
