سازمانی خه‌باتی کوردستانی ئێران
کۆماری خوازەکانی ئەنجومەنی سێنای ئەمریکا بەنیازی سازدانی یاسایەک بۆ دووبارە خستنەوە نێو لیستی حوسییەکانی یەمەنن کە لەلایەن ڕژیمی ئاخوندی ئێرانەوە پشتیوانی دەکرێن.
ڕۆژنامەی "واشێنگتۆن فری بیکن" بڵاوی کردووتەوە کە کۆماریخوازەکانی سێنای ئەمریکا لە هەوڵدان کە گرووپی حوسییەكانی یەمەن کە لەلایەن ڕێژیمی ئاخوندی ئێرانەوە پشتیوانییان لێ دەکرێت دووبارە وەکوو ڕێکخراوێکی ترۆریستی پێناسە بکەن.
هەر لەم پێوەندییەدا ماڵپەرێکی ئامریکایی باسی لەوە کردووە کە ئەو بڕیارە بە سەرۆکایەتیی سێناتۆری کۆماریخواز "تێد کرۆز" و شەش سێناتۆری کۆماریخوازی دیکە لەم حەوتوویەدا دەچێتە بواری جێبەجێکردنەوە، و هەموو ئەو سزایانەی دژی حوسیەكان و ئەو گرووپە یاخییانەی کە ڕژیمی ئاخوندی ئێران پشتیوانیان لێدەکات و لەگەڵ هاتنەسەرکاری "جۆ بایدن" لە ساڵی ٢٠٢١ لە لیستەی گرووپە تێروریستیەکاندا لابرابوون، دووبارە جێبەجێ دەبنەوه.
