سازمانی خه‌باتی کوردستانی ئێران
بە پێی هەواڵێک كە بە دەنگی خەباتی كوردستان گەیشتوە کاک عەبدوڵا سەعیدپوور ناسراو بە کاکە عەبەی کانی سوور دۆستی دێرین و دڵسۆزی سازمانی خەباتی کوردستانی ئێران، لە دوای چەند ساڵ ململانێ لەگەڵ نەخۆشی کۆچی دوایی کرد.
کاک عەبدووڵا کەسێکی نیشتمانپەروەر و دڵسۆزی سازمانی خەبات بوو كە چەند كەس لە ئەندامانی خانەوادە و کەس و کاری، پێشمەرگە و ئەندامی دڵسۆزبە ڕێبازی سازمانی خەباتی کوردستانی ئێرانن.
بەبۆنەی کۆچی دوایی کاک عەبدووڵای سەعیدپوورەوە پرسە و سەرەخۆشی لە خانەوادەی سەعیدپوور، شەریفی و تێکڕای خەڵکی کانی سوور و شاری بانە پێشکەش دەکەین و سەبر و خۆڕاگریان لە خوای دلۆڤان بۆ دەخوازین. هەروەها لە خوای گەورە داواکارین گیانی کاک عەبدوللا بە بەهەشتی بەرین شاد بکات.
