سازمانی خه‌باتی کوردستانی ئێران
خەباتمێدیا: وەزیری دەرەوەی ئامریکا رۆژی سێشەممە 29ی خەزەڵوەر، لە هەڵوێستێکدا بۆ گەمارۆی کاناڵی ناردنی نەوتی ئێران بۆسوریە،بە ئاماژە کردن بەوەی کە پێشێل کردنی گە
خەباتمێدیا: وەزیری دەرەوەی ئامریکا رۆژی سێشەممە 29ی خەزەڵوەر، لە هەڵوێستێکدا بۆ گەمارۆی کاناڵی ناردنی نەوتی ئێران بۆسوریە،بە ئاماژە کردن بەوەی کە پێشێل کردنی گەمارۆکانی ئامریکا بۆسەر ئێران ئاکامی باشی بۆ پێشێلکارەکان نابێت،داوای لە خامنەی کرد بە جێگەی خەرجکردنی پوڵی وڵاتەکەی بۆ گروپە ترۆریستیەکان، خەرجی خەڵکەکەی بکات.
وەزارەتی خەزێنەداری ئامریکا بە دەرکردنی راگەیەندراوێک وتی :۹کەس و دامەزراوە لە کاناڵێکی نێونەتەوەیین کە رژیمی ئێران لەم کاناڵەدا لە رێگای هاوکاری لەگەڵ کۆمپانیای رووسی ،چەندین ملیۆن بۆشکەی نەوتی خستۆتە بەردەستی رژیمی بەشارئەسەد .
مایک پەمپێئۆ لە تویتەری خۆیدا نووسی :ئەم کارە پەیامێکی تایبەتی هەیە و ئەو پەیامەش ئەوەیە کە هەرکەس نەوت بۆ سوریە بنێرێت یان هەوڵ بدات گەمارۆکانی ئامریکا دژبە کردەوە ترۆریستیەکانی رژیمی ئێران پێشێل بکات، روبەروی دەرئەنجامێکی ناخۆش دەبێتەوە.
ئێدارەی کۆنترۆلی داراییەکانی دەرەوەی وەزارەتی خەزێنەداری ئامریکا ڕایگەیاند رژیمی ئەسەد ئامرازێکە بۆ گەیاندنی چەندین ملیۆن دۆلار بۆ هێزی قودسی سوپای پاسدارانی ئێران،ئەم پوڵانە لە ئاکامدا دەگەن بە دەستی حیزبوڵڵای لوبنان .
