سازمانی خه‌باتی کوردستانی ئێران
لە درێژەی ئەو زنجیرە ئیعدامانەی که لە چەند ڕۆژی ڕابردوو لەلایەن دەزگای ترۆریستی و بەناو قەزایی ڕژیم دەستی پێی کردووە, سەرلەبەیانی ئەمڕۆ دووشەممە ۱۳ی سەرماوەزی ۱۴۰۲ی هەتاوی، حوکمی فەرەیدوون نەسیری نژاد نارۆیی تەمەن ۳۳ساڵ و دانیشتووی زاهدان کە پێشتر لەسەر بابەتی تۆمەتی پەیوەندی دار بە مادەی هۆشبەر سزای لەسێدارەدانی بەسەردا سەپابوو، لە زیندانی ناوەندی جیرۆفت سەر بەپارێزگای کرمان لەسێدارە درا.
ئەم بەندکراوە خاوەنی چوار منداڵە و سێ ساڵ پێش ئێستا گیرابوو و دواتر لەلایەن دەزگای گەندەڵی قەزایی ڕژیم حوکمی ئێعدامی بەسەردا سەپا.
بەپێی ئەو ئامارانەی لەلایەن ڕێکخراوەکانی مافی مرۆڤ و سەرچاوەئاگادارەکان بڵاو کراوەتەو، لە سەرەتای ساڵی پێشوو لانیکەم ۱۶۰ بەندکراوی بەلووچ لەزیندانەکانی ڕژیم لەسێدارە دراون، واتە لە هەر دوو ڕۆژدا زیندانیەکی بەلووچ ئێعدام کراوە.
