سازمانی خه‌باتی کوردستانی ئێران
بێنیامین نەتەنیاهۆ، سەرۆکوەزیرانی ئیسرائیل، لە کاردانەوە بە هێرشەکانی تاقمی ترۆریستیی حیزبوڵڵا بۆ سەر باکووری ئیسرائیل، وریایی دا لەوەی کە ئەگەر حیزبوڵڵا هەنگاوی سەرتاسەری بگرێتەبەر، بەیرووت دەبێتە غەززەیەكی دیكە.
ئاژانسی هەواڵی ڕۆیتەرز لەسەر ئەم بابەتە نووسیویەتی: بێنیامین ناتانیاهۆ لەکاتی سەردانیکردنی هێزە سەربازییەکانی نزیک سنوور، پێداگری لەوە کردەوە کە ئەگەر حیزبوڵڵا بڕیاری دەستپێکردنی شەڕێکی سەرتاسەری بدات، ئەوا بەیرووت و باشووری لوبنان دەکاتە غەززە و خان یونس.
وتەبێژی سپای ئیسرائیل دوێنێ ڕایگەیاند کە لە ئەنجامی هاویشتنی مووشەکێک کە لە لوبنانەوە بەرەو باکووری ئیسرائیل خرا بوو، هاووڵاتییەکی مەدەنیی ئیسرائیلی کوژراوە.
