سازمانی خه‌باتی کوردستانی ئێران
بەپێی هەواڵی گەیشتوو بە خەباتمێدیا، دوای تێپەڕ بوونی مانگێک بەندکرانی هاووڵاتیەکی خەڵکی گوندی سەردۆشی مەریوان، بەناوی عادڵ پیرۆزی زیندانی سیاسی پێشوو بۆ ئیتلاعاتی ترۆریستی ئەم شارە هێشتا چارەنووسی نادیارە و هیچ زانیاریەک لەسەر دۆخی ناوبراو لەبەردەست دا نیە.
جێی باسە کە ئەم هاووڵاتیە کوردە، لە کۆتایی مانگی خەزەڵوەری ١٤٠٢ی هەتاوی، لەدوای بانگهێشتی بۆ ئیتلاعاتی ترۆریستی شاری مەریوان گیراوە و لەئێستادا ناوبراو لەدەستڕاگەیشتن بە پارێزەر و چاوپێکەوتن لەگەڵ خانەوەدەکەی بێ بەش کراوە.
ئەم زیندانیە سیاسییە، چەند ساڵ پێش ئێستا لەلایەن ناوەندە سەرکوتکەر و بەناو ئەمنیەکانی ڕژیم گیرا و دواتر لەلایەن ناوەندی گەندەڵی بەناو دادوەری شاری مەریوان، بەتۆمەتی هاوکاری لەگەڵ یەکێک لەحیزبە کوردیە دژبەرەکانی ڕژیم سزای بەسەردا سەپاو لەدوای چەند مانگ بەندکران، دواتر بەشێوەیەکی کاتی و بەدانانی بارمتە ئازادکرا.
هەروەها هەتا ئێستا هیچ زانیاریەک لەهۆی گرتنی ئێستای ناوبراو لەبەردەست دا نیە.
