سازمانی خه‌باتی کوردستانی ئێران
محەممەدجەعفەر محەممەدی هاووڵاتی دانیشتووی شاری سنە و باوکی دوو لاو کە لە شۆڕشی "ژن، ژیان، ئازادی"دا گیرابوون، دوای هێرشی بەکرێگیراوانی ئیدارەی ترۆریستی ئیتلاعات بە توندوتیژی گیراوە و بۆ شوێنێکی نادیار گوازرایەوە.بەپێی ڕاپۆرتی سەرچاوە ئاگادارەکان، بەکرێگیراوان هەڵیانکوتاوەتە سەر ماڵی ناوبراو و درگا و پەنجەرەی چوونە ژوورەوەیان شکاندووە.
ئەم بەکرێگیراوانە لەگەڵ دروستکردنی کەشێکی ترس و تۆقاندن، زێڕ و پارەی نەختینەی خانەوادەی محەممەدیان دزیوە و بە توندوتیژی گرتوویانە.
دەوترێ گرتنی ئەم هاووڵاتییە دوای سکاڵای ناوبراو لە سەر ئیدارەی ترۆریستی ئیتلاعات سەبارەت بە دۆسییەی گرتنی دوو كوڕەكەی بە ناوەکانی مورتەزا و سیروان بووە.
لە ساڵی ڕابردوودا دەزگا ترۆریستەکانی ئیتلاعاتی ڕژیم, دۆسییەیەكیان لەدژی محەممەدجەعفەر، باوکی سیروان محەممەدی یەکێک لە بەندکراوانی شۆڕش لە سنە تۆمار کرد و بە تۆمەتی ساختەی "تێکدانی نەزمی گشتی و ئاسایشی وڵات" تۆمەتبار کرا.
