سازمانی خه‌باتی کوردستانی ئێران
لە وتووێژێکدا لەگەڵ فۆکس نیوز، لیندزی گراهام، سێناتۆری کۆماریخوازی ئەمریكایی کاردانەوەی بەرانبەر بە كردەوەكانی دەسەڵاتدارانی ئاخوندی ئێران لە پشتیوانیکردنی تاقمە ترۆریستییەکانی عێراق بۆ هێرشکردنە سەر هێزەکانی ئەمریکا نیشاندا.
سێناتۆر گراهام وتی: ئەگەر جۆ بایدن بیەوێت سەربازە ئەمریکییەکان بپارێزێت، لەگەڵ ئایەتوڵڵا یەكلایی بكاتەوە، ئەگەر لە ڕێگەی گرووپی بە وەکالەت هێرش بکەنە سەر سەربازەکانمان، ئێمە بە شوێن ئێوەدا دێین.
ناوبراو ئاماژەی بەوەشکرد، ماوەی شەش مانگە دەڵێت پێویستە ڕژیمی ئێران لێیبدرێت، بە بەکارهێنانی وێنەی مانگی دەستکرد بنکەکانی سپای ترۆریستی پاسداران بتەقێننەوە.
