سازمانی خه‌باتی کوردستانی ئێران
سەرلەبەیانی ئەمڕۆ سێشەممە ١٢ی بەفرانباری ۱۴۰۲ی هەتاوی, دوای شەش ڕۆژ مانگرتن لە خواردن، داوود عەبدوڵڵاهی، زیندانیی مەزهەبی کورد و خەڵکی شاری مەهاباد، دوای ١٤ ساڵ زیندانی لە زیندانی قزڵحەساری کەرەج، لەسێدارە درا. مانگی ڕابردوو قاسم ئابەستە و ئەیووب کەریمی دوو کەس لە هاوتۆمەتبارەکانی ئەم زیندانییە لەسێدارە درابوون و لە ئێستادا چوار تۆمەتبارەکەی دیکە لەم دۆسیەدا لە زینداندا زیندانی کراون و مەترسیی لە سێدارەدانیان لەسەرە.
داوود عەبدوڵڵاهی و شەش چالاکی ئایینیی کوردی دیکە بەناوەکانی ئەیووب کەریمی، فەرهاد سەلیمی، ئەنوەر خزری، خەسرەو بەشارەت، کامران شێخە و قاسم ئابستە بە تۆمەتی ساختەی کوشتنی "عەبدوڵڕەحیم تینا"، و بەتۆمەتگەلی ساختەی دیکە وەک "چالاکی دژی ئاسایشی نیشتمانی"، "چالاکی دژی حکوومەتی ئاخوندی ئێران"، "ئەندامەتیی گرووپە سەلەفییەکان" و "فساد فی الارض" سزای سێدارەیان بەسەردا سەپێندرا.
